عقد تربصات الاعداد المهني بالفلاقي .. كل مايجب ان يعرفه المتربص والمؤسسة

  – عقد ال CIVP بالفلاقي.

– أول حاجة المقال هذا موجه لبرشا ناس يسألو ومش فاهمين.الفاهم يخلي ناس تفهم

– العقد هذا كان إسمو sivp وتغيرت التسمية من سنة 2019 واصبحت Civp

– العقد الهدف منو تسهيل الانتداب خاطر المؤسسات عادة تحب تنتدب اصحاب الخبرة الشي إلى يخلي انتداب المبتدئين يكون صعيب

– مدة العقد 12 شهرا قابلة للتجديد ب 12 شهرا وهذا بالنسبة المتخرجين…. أما الغير متخرجين المدة 12 شهرا فقط.

-اذا متخرج الدولة تعطيك منحة ب 200 د وصاحب العمل يعطيك 200 د عالاقل وهنا كل احد يحرص على حقو

– إذا مش متخرج ومستواك فوق السادسة ابتدائي الدولة تعطي 150د والعرف 150 د عالاقل وهنا كل احد يحرص على حقو

– العقد يمكنك تعمل كرني دواء .. كيفاش …تاخو نسخة من العقد تمشي بيها للصندوق الوطني للضمان الاجتماعي  تعمل بيه بطاقة علاج مجانية تدفع تقريبا 5د .

– فسخ العقد يتم من طرفك والا من طرف صاحب العمل بواسطة تقرير تاخذو من بيرو الشغل

– تنجم ترجع المؤسسة لي عملت فيها عقد وقصيتو

– لي متخرج وعندو صبان ما تتجاوزش 8 ثلاثيات متتالية ينجم يعمل civp . او اذا الصبان ما يفوتش 12 ثلاثية متفرقة

– لي مش متخرج أو معاق يعمل الcivp مهما كان عدد ثلاثيات الصبان. وعندو 50 د زايدة في منحة الدولة يعني متخرج ياخو 250 د ومش متخرج 200 د .

– للمتخرجين : تنجم تعمل عامين مع جمعية وعامين civp

اما اذا عملت عامين civp يقعد عندك الحق في عام واحد جمعية

– للمتخرجين ايضا فمة امتياز ينجم يشجع المؤسسة بش تنتدبكم وهو انها لو تعملك عقد  CDI أي عقد بمدة غير محددة فهي تتحصل على إعفاء من مساهمة الأعراف لمدة سنتين .. وهنا يلزم المؤسسة تتقدم بطلب لدى مكتب التشغيل في ظرف شهر من نهاية عقد CIVP

** اوراق ملف عقد ال CIVP

– اربع نسخ من عقود التربص تاخذوها من مكتب التشغيل

– نسخة من بطاقة التعريف الوطنية

 – نسخة من الحساب الجاري تحمل طابع اصلي سواء للبنك أو البريد

 – نسخة مطابقة للأصل من الشهادة المدرسية أو البكالوريا أو شهادة التخرج

 – شهادة انخراط المؤسسة في الضمان الاجتماعي (عند التعامل معها أول  مرة)

 – نسخة من الباتيندة (عند التعامل معها لأول مرة)