أسهل طريقة تجيب بيها عقد عمل في أوروبا وانت في بيتك »ببلاش »

أسهل طريقة تجيب بيها عقد عمل في أوروبا وانت في بيتك »ببلاش » ✅

👇👇
مبدأيًا، إنت هتدور لنفسك بدون ما تعتمد على مكاتب أو أشخاص، وبالتالي مش هيكون فيه أي مصاريف أو فلوس هتدفعها لأي حد، ولو حصل واتقبلت في وظيفة فالمؤسسة هتبعالك عقد عمل وبيه تقدر تقدم على التأشيرة.

طيب ازاي تدور وتقدم على الوظايف؟
بما انك في بلدك وعايز تشتغل في أوروبا، فالموضوع هيتم من خلال الانترنت، وتحديدًا من خلال مواقع التوظيف في أوروبا.

طيب أيه المواقع الموثوقة اللي تقدر تقدم من خلالها؟

EURES (بوابة الوظائف في الاتحاد الأوروبي)
LinkedIn
Indeed أوروبا
Jobs in Europe
WorkInEurope
دور فيها على الوظايف اللي تناسب مهاراتك👌

🔹 لما تلاقي وظايف تناسبك ابعت CV احترافي وCover Letter مظبوط
خليهم بالإنجليزي أو بلغة البلد، واهتم إن الـ CV يكون بنظام الـ Europass.

طيب هل تبعت لشركات في جميع دول الاتحاد الأوروبي، ولا تبعت لشركات في دول معينة؟
في دول أصلا مبتقبلش عمالة من خارج الاتحاد الأوروبي، وطبعًا فيه دول عندها نقص في العمالة وبتوظف ناس من خارج الاتحاد، الدول دي هي:

✅ ألمانيا – خاصة للمهندسين والمبرمجين والحرفيين
✅ هولندا – فرص كويسة للمتخصصين في التقنية والرعاية الصحية
✅ رومانيا وبلغاريا – أسهل من غيرها في الإجراءات
✅ بولندا – بتطلب عمالة كتير خاصة في المصانع والبناء
✅ البرتغال – بتدي فرص خاصة لأصحاب المهن البسيطة والضيافة

🔹 نصايح مهمة قبل ما تقدم
✔️ اتعلم اللغة الأساسية (ولو حتى أساسيات)
✔️ خليك جاهز بكل أوراقك (CV، شهادات، جواز سفر ساري)
✔️ خليك حريص من الوسطاء النصابين، وكلّ حاجة اعملها بنفسك أونلاين
✔️ أي شركة محترمة مش هتطلب منك فلوس عشان تشتغل

💡 ملحوظة:
لو جاتلك فرصة عمل رسمية، الشركة بتبعتلك عقد وبتبدأ إجراءات الفيزا من خلال السفارة. يعني لو لقيت عقد حقيقي، انت قطعت نص الطريق 💪