توضيح حول مناظرة الصوناد

توضيح بخصوص كونكور الصوناد لاخر مرة

1- نبداو بالخطط اللي رجعو عليهم وقلنا اللي موش الخطط الكل وهنا عندكم الخطط اللي رجعو عليهم وبالنسبة لبقية الخطط مازال مافما شيء وحتى حد ما يعرف وقتاش

🔴 قائمة الخطط اللي رجعو عليهم هنا :

بالدارجة إذا كان مالقيتش الخطة اللي سجلت فيها ضمن القائمة يعني راو مازالو مارجعوش عليها بكل بساطة وان شاء الله وقت اللي رجعو عليها تو نعملكم

2- كيفاش نعرف روحي تقبلت ولا؟ ساهل برشا تحل الكونط متاعك وتمشي طباعة الإستدعاء اذا كان لقيت استدعاء راك
مقبول واذا لا ان شاء الله في مناظرة اخرى’
👇👇

3- الكلمة العبور (مودباس) هنا راك انت اللي عملت المودباس بيدك واذا كان نسيتو تلقى استرجاع كلمة العبور يجيك code على email اللي سجلت بيه وتبدل المودباس

4- حكاية الكونط ماحبش يتحل فما عباد سجلت وخرجت الإستمارة وكي تحط الemail يقولها غالط ولا موش موجود لهنا وللأسف التسجيل متاعها ماتعداش حتى لو عندها إستمارة الترشح (وسبق واكدت عليه شيء هذا من قبل مايسكر التسجيل وقلت يلزم يتحل الكونط متاعك باش تعرف اللي انت سجلت)

5- علاش مارجعوليش هذا شيء طبيعي في المناظرات الكل موش باش يرجعو ولا يقبلو ناس اللي سجلت الكل هذا علاش فما فرز أولي وثاني الخ.. وفما عدد متاع خطط مطلوبة وعدد متاع مترشحين مقبولين.. (كي العادة لهنا ديما نواصي على قراءة نص البلاغ بالڨد متاع كل مناظرة باش تبدا تعرف روحك من لول عندك حظوظ انهم يرجعولك ولا)

أكثر من هكا ماعاد عندي ما نقول وان شاء الله ربي يسهللكم ويوفقكم أجمعين