التسجيل في journées Québec بالفلاقي

في journées Québec
– سجل بالايميل متاعك واختار كلمة مرور فيها حروف كبيرة وأخرى صغيرة وارقام
– بعد ذلك لازم تعمر profil de compétence
كان تخدم بكمبيوتر تو تلقاه عاليسار .. كان بالتلفون اضغط على ثلاث خطوط افقية الفوق عاليمين تو تتحل وتوة تلقى في السطر الأخير اسمك .. اضغط عليه توة تلقى كلمة
Profil de compétence
اضغط عليها
– اول مرحلة فيها هي تعمير ال profession .. أول ما تعمل كليك على الرابط لي تحت كلمة profession principal
توة يوجهك للموقع الكندي للمهن أختار مهنتك واعمل بحث توة تطلعلك المهن بالكود .. قيد الكود وارجع للموقع واضغط على ال loupe وبعدها حط الكود واضغط ال loupe مرة أخرى توة تطلع المهنة اضغط عليها توة تولي coché بعدها اضغط على الفرص الأزرق وبعد سجل enregistrer
– ثاني مرحلة ال expérience … عمر سنوات الخبرة.. المشغل .. وتاريخ بداية ونهاية العمل وبعد أهم الانشطة لي عملتهم في فترة عملك …. Porte folio URL خليها فارغة …وسجل
– بعدها تتعدى ل formation اضغط على ajouter وعمر الدبلوم لي عاملو بعد اعمل ajouter وسجل
– توة بش تعمر الخانات الخاصة باللغة عمرهم وسجل
هنا تتسمى كملت عمرت ال profil de compétence
أما تنجم تعمل اضافات وهي تحميل ال cv أو نتاىج اختبار لغة إذا عندك و كذلك نسخ ولصق ل lettre de motivation

– كملنا ال profil de compétence

– توة نمشيو للمشاكة في الحدث

شوف على كلمة Inscriptions

.. كان تخدم بالكمبيوتر توة تلقاها مكتوبة وكان بالتلفون اضغط على الثلاث خطوط الافقية الفوق عاليمين

اضغط علي كلمة inscriptions

توة يخرجولك زوز تظاهرات أنت اختار لي مش مكتوب فيها TI

يعني اختار الي هي بالحضور

– بعدها ادخل لل offres

اختار عرض  عبر استعمال كلمات مفتاحية

كان عجبك عرض اعمل postuler

توة تتحل نافذة تطلب منك تحط

lettre de motivation

تنجم ما تحطهاش أما من الافضل تحطها بش حظوظك تكبر

اعمل oui

وبعد POSTULER

صب في برشا عروض واعد تبع فيهم عبر

Candidatures